كافيه كلام فى كلام

مرحباً بك عزيزي الزائر جهاز مخابرات كافيه كلام فى كلام مش عارفك يا ريت تسجل دخولك لو ليك ايميل ولو حضرتك لسه جديد يا ريت تسجل ايميل جديد شكراً لتعاونكم معنا.
كافيه كلام فى كلام

كافيه كلام × كلام أغاني ، برامج ، العاب ، خطوط ، موبايل ، حب ، تي في ، اسلاميات ، تسليه وترفيه ، صور وخلفيات ، فيديو جيم ، رياضه ، ادب شعر خواطر


    اشهر جمل بيقولها الاب و الام

    شاطر
    avatar
    Medo
    المشرف العام للمنتدى
    المشرف العام للمنتدى

    ذكر
    عدد الرسائل : 228
    العمر : 27
    شغال (ه) فين : احلي طالب
    مزاج حضرتك ايه دلوقتى : tamam
    نقاط : 0
    تاريخ التسجيل : 12/07/2008

    اشهر جمل بيقولها الاب و الام

    مُساهمة من طرف Medo في السبت يوليو 12, 2008 5:08 am

    أشهر جمل بيقولوها الأب و الأم في مصر




    انت فاكرنا لاقين الفلوس ديـــ في الشارع .

    * ما تتكلمش بصوت عالي في الحمام .

    * والله ما انت فالح .. وادي دقني أهه .

    * ما تنمش غير لما تغسل سنانك .

    * ما تلزقش في التلفزيون كده .. نظرك هيضيع .

    * سلم على عمك كويس يا ولد .

    * يا ابني محدش هينفعك .

    * ما تطلعش ايدك من الشباك .

    * ربنا يرزقك بعيل يوريك اللي ورتهوني .

    * ما تطلعش على الملايه النظيفه و رجليك متوسخه كده .

    * نسيت تشرب ؟ نسيت تاكل ؟ نسيت تاخد المصروف ؟ نسيت تعكنن عليا و على امك ؟

    * طلع ايدك من جيبك و انت بتكلمني .

    * ايه الا مبالاه و الاستهتار اللي انت عايش فيهم دول .

    * قوم اقرا لك كلمتين ينفعوك .

    * وطي المدعوق ده شويه .


    انت فاكرنا نايمين على ودانا ؟

    * يا ابني انت مسطول ولا ايه ؟

    * ما تلبسش القميص على اللحم زي العيال الصايعه .

    * بلاش أكل بره .

    * كلمنا لما توصل .

    * عيـــب ... لازم تحترم اللي أكبر منك .

    * لو شفت خناقه ما لكش دعوة بيها .

    * لازم تأكل سلطه .

    * اوعى تكدب عليا كده تاني مرره .

    * اوعى حد غريب يديلك حاجه تاكلها و تشربها و تاخدها منه .

    * بلاش لعب في الشارع .

    * ما تعليش صوتك .

    * وانت فاكر احنا مستنيين منك حاجه .

    * الماتش مش هينفعك ...قوم .

    * ما تقعدش قدام المروحه وانت مستحمي .

    * كفايه رغي في التليفونات .

    * بلاش وقفة الشبابيك و البلكونات .

    * اوعى تقول لحد هات لي حاجة .

    * كل على مهلك .. وامضغ كويس ... وما تكلش وانت واقف .. وكل من قدامك ما تحفش .

    * اطفي التلفزيون وقوم ذاكر . أو اطفي التلفزيون و خش اوضتك .

    * ربنا يهديك ربنا يهديك يابنى...

    * ما تمشيش حافي في السقعة دي

    * ما فيش مذاكرة على المزيكا .. أو .. بتذاكر إزاي و البتاع ده شغال جنبك .

    * افرد ظهرك .

    * ما تتأخرش بعد المدرسه و تقعد تصيع مع أصحابك .

    * بص كويس و انت بتعدي الشارع .

    * ومالها الكتب بتاعة الوزاره ؟!

    * اللي بيشيل قربه مخرومة بتخر عليه لوحده ..

    * لو مش فاهم حاجه ارفع ايدك و قول للأستاذ مش فاهم .. متتكسفش .

    * تقعد في أول صف قدام السبوره .

    * ما تردش عليا .

    * مش عايز اسمع صوت .

    * مالكش دعوة بالسياسة .. وماتمشيش في مظاهرات .

    * التهديدات المخيفة شكلا و الكارتونية مضمونا : زى مثلا: هأقطم رقبتك أو هأقطع ايدك أو هأقطع لك لسانك أو هأدبحك دبح .

    * و أخيرا ::

    ضرب امثلة تشجع على الكفاح و أشهرها أحد الأقارب اللي كان بيذاكر على لمبة جاز أو على عامود النور الي في الشارع و نجح وخد الدكتوراه وسافر أمريكا

    يا ريت لو حد عنده حاجه زيااااده على كده يقوووول يمكن يكون فيه عندكوا حاجه جديده

    dolly hanem
    عضو فعال
    عضو فعال

    انثى
    عدد الرسائل : 94
    العمر : 31
    شغال (ه) فين : صحفيه
    نقاط : 0
    تاريخ التسجيل : 30/08/2008

    رد: اشهر جمل بيقولها الاب و الام

    مُساهمة من طرف dolly hanem في السبت أغسطس 30, 2008 11:55 pm

    Very Happy

    الجزء التاني

    Very Happy

    بلاش ترمي الشبشب كده مقلوب بيجيب الفقر في البيت

    Laughing

    الصداعع اللي بيجيلكم ده من قله الاكل

    Laughing

    ماتطلعش السلم بسرعه عشان قلبك

    Very Happy

    الفطار اهم وجبه يوميا اللي مش هيفطر هيروح في داهيه

    Very Happy

    يحرق النسكافيه ده قهوة مافيهاش اي فايده

    Very Happy

    مزاكره ايه دي اللي مع اصحابك محدش بيفهم الا لوحدو

    Very Happy

    ماتشربش ميه وانت لسه جاي استنا اما قلبك يهدا

    Very Happy

    لو رخصك اتسحبت منك ماليش دعوة ابقا هاتها انت

    Very Happy
    واخيرا
    Very Happy
    يخرب بيت العيال واللي عايز عيال

    Very Happy Very Happy Very Happy
    avatar
    webmaster
    مصمم ومدير الكافيه
    مصمم ومدير الكافيه

    ذكر
    عدد الرسائل : 391
    العمر : 25
    شغال (ه) فين : طالب مزاجه عالى
    مزاج حضرتك ايه دلوقتى : عالى جدا
    نقاط : 0
    تاريخ التسجيل : 03/07/2008

    رد: اشهر جمل بيقولها الاب و الام

    مُساهمة من طرف webmaster في السبت أغسطس 30, 2008 11:58 pm

    هههههههههههههههههههههههه
    بجد شكرا ليك يا ميدو انتا ودوللي هانم
    بجد جمل جامده جدا مش عارف اقول اي حاجه غير انى اقول شكرا على المجهود ده
    avatar
    Medo
    المشرف العام للمنتدى
    المشرف العام للمنتدى

    ذكر
    عدد الرسائل : 228
    العمر : 27
    شغال (ه) فين : احلي طالب
    مزاج حضرتك ايه دلوقتى : tamam
    نقاط : 0
    تاريخ التسجيل : 12/07/2008

    رد: اشهر جمل بيقولها الاب و الام

    مُساهمة من طرف Medo في الجمعة سبتمبر 26, 2008 2:39 am

    tnxxxxxxxxxxx
    dolly >>>>>>>> kalamek gamed awy
    bas ma3andaksh kalam tany ya mahmoud
    avatar
    webmaster
    مصمم ومدير الكافيه
    مصمم ومدير الكافيه

    ذكر
    عدد الرسائل : 391
    العمر : 25
    شغال (ه) فين : طالب مزاجه عالى
    مزاج حضرتك ايه دلوقتى : عالى جدا
    نقاط : 0
    تاريخ التسجيل : 03/07/2008

    رد: اشهر جمل بيقولها الاب و الام

    مُساهمة من طرف webmaster في الخميس أكتوبر 09, 2008 12:13 pm

    أكيد فى يا برنس بس انا هافتح توبك لأشهر جمل بيقولوها الشباب مع بعضهم

    زي مثلاً ( الابلتين لدع فى دهاليز الحياه ) او ( الدنيا فى الامبلايز )

    طبعا كتيير مافهموش انا قولت ايه او اقصد ايه

    بس كله هيفهم لما يقرا التوبك الجامد طحن

    يعنى بالبدلي حاجات من اللى ودت اللغه العربيه فى داهيه

    بس احنا هنا فى مكتبة تسليه وترفيه

    وبيس يا مان
    avatar
    Medo
    المشرف العام للمنتدى
    المشرف العام للمنتدى

    ذكر
    عدد الرسائل : 228
    العمر : 27
    شغال (ه) فين : احلي طالب
    مزاج حضرتك ايه دلوقتى : tamam
    نقاط : 0
    تاريخ التسجيل : 12/07/2008

    رد: اشهر جمل بيقولها الاب و الام

    مُساهمة من طرف Medo في الجمعة نوفمبر 21, 2008 11:51 am

    thnxxxxxxxxxxx علي الرد


      الوقت/التاريخ الآن هو الثلاثاء أبريل 25, 2017 9:28 pm